പുലി 84 : ചാക്യാര്‍

ചാക്യാര്‍

“ മടികാരണം പോഷകാഹാരക്കുറവ് സംഭവിച്ചുപോയ ദേഹമാണ്. സത്യത്തില്‍, പുലിസ്വരൂപനാണ്. സഹമുറിയനുമാണ് ” എന്ന് തമനു ഈയിടെ ആവലാതി പറയുന്നതിനു മുന്‍പേ , ഈ പുലി സീരീസിന്റെ ഗണപതിമാസത്തില്‍‍ വെറും നാലു ഫോട്ടോകളുമായി തുടങ്ങുമ്പോള്‍ ഈ പഹയന്റെ ഒരു ചെറു പ്രൊഫൈല്‍ ചിത്രവും ഒപ്പമുണ്ടായിരുന്നു. അന്നു ഠപ്പേന്ന് വരച്ചു തീര്‍ത്തു ; പക്ഷെ കക്ഷി ആരാന്നൊരൂഹവുമില്ലായിരുന്നു. നമ്മടെ ഈ ബ്ലോഗറുടേ കഥ പറഞ്ഞപോലെ.

അങ്ങനെയിരിക്കെ താന്‍ പരമ്പരാഗതമായി ചാക്യാരാണെന്നും ലമ്പൂണൈസ് ചെയ്യപ്പെടുന്നത് തങ്ങള്‍ ചാക്യാമ്മാര്‍ക്കൊരു പ്രശ്നല്ലാന്നും ബഹളം വെച്ച് ഒരാള്‍ മെയ്ലയച്ചപ്പോള്‍ ഞാനിതയച്ചുകൊടുത്തു.

അഞ്ചുമിനിറ്റില്‍ വന്ന മറുപടി തുറന്നു നോക്കിയപ്പോള്‍ണ്ട്രാ ദേ കെടക്കുണൂ, ‍ ഒരു കിലോ നന്ദിയും പുതിയൊരു ചിത്രവും. ഞാന്‍ ഞെട്ടി വിറച്ചുപോയി ! എന്താ കഥ !!

പിന്നെ ഒട്ടും മടിച്ചുനിന്നില്ല. സമ്പൂര്‍ണമായും രണ്ടു വ്യക്തികളുടേതു പോലുള്ള രണ്ടു ഫോട്ടങ്ങള്‍ എടുക്കപ്പെട്ട മോന്തശ്രീ ഉള്ളയാള്‍ എന്ന നിലയില്‍ ഇദ്ദേഹവും പുലി സ്പീഷീസ് തന്നെ , എന്നു ഞാന്‍ അപ്പഴേ തീരുമാനിച്ചതാ !