മന്‍മോഹന്‍ സിങ്ങ് - തടിയന്‍ വക

10 കേരള കാര്‍ട്ടൂണ്‍ അക്കാദമി ഭാരവാഹികള്‍ ചേര്‍ന്ന് ഇന്ന് രാജ് ഭവനില്‍ വെച്ച് മന്മോഹന്‍ ജിയെ കൂട്ടത്തോടെ ആക്രമിച്ച് നിലമ്പരിശാക്കി , 123 മന്മോഹന്‍ ക്യാരിക്കേച്ചറുകളുടെ 5കിലോ സമാഹാരം സമ്മാനിച്ചു.. അക്കാദമി സൈറ്റ് ദാ കാണൂ..

ഈയുള്ളവനും ആ പണ്ഡിതപ്രധാനനെ ഒന്നു പോയി കാണണമെന്നുണ്ടായിരുന്നു - കലശലായിത്തന്നെ. പക്ഷെ, കഴിഞ്ഞില്ല. പകരം, ആലുവ-കിഴക്കമ്പലം ഭാഗങ്ങളില്‍ പ്രശസ്തനായ പാചകക്കാരന്‍ പുക്കാട്ടുപടി അപ്പു എളേതിന്റെ അത്യപൂര്‍വമായ കുറുക്കുകാളന്‍ ഉണ്ടാകുമെന്ന് കേട്ടറിഞ്ഞ് മന്മോഹന്‍ പരിപാടി ക്യാന്‍സല്‍ ചെയ്തു, ഒരു പിറന്നാള്‍ സദ്യയ്ക്കു പോയി. ഒരു ഹൈ-പ്രൊഫൈല്‍ ദര്‍ശനം കളഞ്ഞു കുളിച്ചതിന്റെ ദു:ഖം ആറ്റാന്‍ പകരം കു.കാളന്‍ കൂട്ടി ആക്രമാസക്തമായി ഊണുകഴിച്ചു.



സദ്യയ്ക്കു മുമ്പുള്ള ഇടവേളയില്‍, ഞാനറിയാത്ത പത്തു കുഞ്ഞുങ്ങളെയും ഒരു പത്തിരുപതു തനിനാടന്‍ വൃദ്ധജനങ്ങളെയും നാലഞ്ചു യുവതുര്‍ക്കികളെയും വരച്ച് അനന്തമായ കാത്തിരിപ്പ് ആഘോഷമാക്കി മാറ്റി. സാദാ കടലാസ്സിലെ 1 മിനിറ്റ് വരകള്‍ കുഞ്ഞുങ്ങള്‍ വല്യ കോലാഹലത്തോടെ എതിരേറ്റു നടക്കുന്നതു കണ്ടു. ഈ കുട്ടികളുടെ ഒരു ലോകം !!!

ഏതിനും, ഇന്ന് തിരോന്തരത്ത് പോയിരുന്നെങ്കില്‍ പ്രധാന്‍ ജിക്ക് കൊടുക്കുമായിരുന്ന ക്യാരിക്കേച്ചര്‍ മുകളില്‍ പൂശിയിരിക്കുന്നു. അനുഗ്രഹിക്കൂ... ആശീര്‍വദിക്കൂ...ആ.... (സോറി, ‘ആ’ വെച്ച് കിട്ടുന്നില്ല) !